كيفية وضع المكياج بالصور !!

ممكن تلاقي بنتين ليهم تقريبا نفس البشرة ونفس اللون وبيحطوا نفس ماركات الميكب ونفس درجات الالوان
وفي الآخر تلاقي واحدة منهم مكياجها حلو اوي ومظبوط والتانية مكياجها تحسي فيه حاجة غلط ومش مظبوطة
يعني البودرة باينة شوية او فيها زيادات او الماسكارا مكلكعة شوية معاها او الروج مش محطوط في حدوده صح
دة نتيجة ايه ؟؟
طبعا دة نتيجة اختلاف طريقة وضع المكياج من شخص لآخر
انا معايا انهاردة الطرق الصح لوضع المكياج الي هتضمنلك ان مكياجك يطلع مظبوط بغض النظر عن الالوان والماركات
انا هكلمك عن احسن ميكانيزم تحطي بيه الميك اب وبالصور
يلا نشوف


اول حاجة ال POWDER

زي الصورة كدة ما هي مبينة

لما تيجي تحطيها املي خدودك هوا علي اد ماتقدري
لأن دة بيخلي لو في خطوط رفيعة او تجاعيد تتفرد والبودر ماتبقاش مجيرة علي وشك
وبعدين لما تخلصي طبعا رجعي وشك لطبيعته وهاتي بف او فرشاة الي بتشيل الزيادات
واعملي بيها كدة من بعيد وبراحة علي وشك عشان تشيلي اي زيادات من علي وشك

تاني حاجة ال EYE SHADOW

بصي في المراية ورجعي راسك شوية للخلف بحيث ان جفنك الي فوق هتلاقيها اتفرد شوية
ولو انتي جفنك داخل لجوة كدة ممكن ترفعي كمان حاجبك عشان يتفرد

تالت حاجة ال BLUSHER

لما تيجي تحطي البلاشر اعملي خدودك زي الصورة دي بالظبط
عشان تبيني عظم الخدود وتحطي البلاشر في المكان الصح
تبدأي تحطي من فوق من ناحية ودانك لحد نهاية العظمة
وبعد ماتخلصي بصي في المراية عشان تظبطي الي حطيتيه علي الناحيتين نفس الكمية ولا لأ

رابع حاجة ال CONCEALER

ودة طبعا مهم جدا وبنات كتيييييييير اوي مش بتظبطه
لما تيجي تحطي الكونسيلر ميلي ذقنك ووشك كدة لتحت شوية
وارفعي نظرك لفوق هتلاحظي انك لما بتبصي فوق عموما المنطقة الي تحت العين دي بتتفرد
والتجاعيد او اي خطوط فيها بتتفرد عكس لما بتكوني باصة لتحت
ودة طبعا هيسهل انك تظبطي الكونسيلر وتفرديه في المنطقة دي

خامس حاجة ال FOUNDATION

عشان تظبطي الفونيشن تبدأي تحطي من فوق لتحت علي كل جانب باسفنجة
وبعدين لما تخلصي بصي يمين وشوفي انتي غطيتي الجانب التاني كويس
وبعدين برضه بصي شمال وظبطي الجنب التاني
وبعدين ارفعي راسك لفوق شوفي انتي غطيتي منطقة الذقن ولا لأ لأن ساعات بتتنسي

سادس حاجة ال MASCARA

عشان تحطيها كويس وتبعدي رموشك عن بعضها وماتخليهاش مكلكعة
ميلي راسك كدة زي الصورة عشان تشوفي الجنب الي هتحطي عليه كويس
وعشان جذور رموشك من الاول كدة تبان كويس
وبعدين ابدأي بالكورنر الداخلي للعين ولما توصلي لمنتصف الرموش ارفعي طرف الماسكارا لفوق شوية عشان تفرقي رموشك عن بعضها
ولما توصلي للكورنر الخارجي ابدأي ارفعي طرف الماسكارا تاني

سابع حاجة ال EYE LINER

ركزي معايا
غمضي العين الي هتحطي عليها وارفعي حاجبك
وابدأي الرسم من برة لجوة يعني من الكورنر الخارجي لجوة
وعشان تتحكمي كويس اسندي كوعك الي بترسمي بيه علي منضدة

تامن حاجة ال FALSE LASHES

لو عايزة تركبي رموش غمضي عينك حاجة بسيطة واسحبي طرف الجفن الخارجي بايدك كدة زي الصورة
وبعدين حطي الرموش كدة علي ال CENTRE بتاع الرموش وثبتي الطروف كويس

تاسع حاجة ال LIPSTICK

هههههههههههههههههههههههه
اها اعملي زي الصورة كدة  ' THE KISS  '
او ممكن تخلي شفايفك ريلاكس خالص ومش تفرديها
لأنك لما بتفرديها اوي كدة زي ما معظمنا بيعمل هتطلعي برة حدود شفايفك
خلي شفايفك ريلاكس او اعملي زي الصورة وحطي الروج في ال CENTRE
وبعدين هاتي فرشاة الشفايف وافردي بيها الروج علي شفايفك وعلي الجوانب ودة هيساعدك تحطي بدقة اكبر

عاشر حاجة والأخيرة ال LIP GLOSS

ممكن تحطيه لوحده او فوق احمر الشفاة
حطيه في منتصف الشفاة السفلية بس مش لازم تحطيه علي شفايفك كلها خصوصا لو شفايفك ممتلئة
 وبعدين اضغطي شفايفك الاتنين علي بعض
وظبطيه بصوابعك
دي احسن طريقة تحطيه بيها وجربيها

أتمني يكون عجبكم وفي انتظار مشاركاتكم ................