تسريحات سهلة و جميلة للصيف

هاي يا بنات ازيكوا ؟؟؟
الصيف جه والمصيف والبحر
والواحد عايز تسريحة سيمبل تناسب كل كدة
جايبالكوا تسريحات سيمبل وسهلة اوي ومناسبة لحاجات كتير

تسريحة سهلة اوي مناسبة للمصيف والبيت

حطي موس علي اطراف شعرك وهو مبلول

وبعدين اعملي سيشوار وممكن لو تحبي تعملي بعض الخصل كيرلي بالمكواة

تسريحة حلوة وبناتي مناسبة اكتر بليل
هتحتاجي موس و اسراي بيدي فوليوم بس وشعرك ناشف
وبنستين تثبتي بيهم مقدمة شعرك لورا زي الصورة

تسريحة برضه بسيطة وناتشيورال اوي ومناسبة للشعر الطويل
حطي volumizer علي جذور شعرك
وقسمي شعرك خصل بس كبيرة واعمليها بال curling iron
بحيث تبان loose وال curl بتاعتها واسعة
كل ما تكون messy اكتر كل ما تبقي احلي
وممكن بعد ما تخلصي تفرقي شوية خصل كدة بصوابعك بتدي شكل احسن
وفي النهاية رشي اسبراي مثبت للشعر

دي تسريحة سهلة وشيك جدا مناسبة لبليل

هتحتاجي مشط سنانه رفيعة و اسبراي مثبت للشعر

ارفعي شعرك فوق ولميه لورا بhair tie وثبتيها ببنس

بحيث ان ال pony tail يفضل في مكانه

دي تسؤيحة سهلة وكلاسيك اوي
احسن حاجة فيها انها بتليق علي كل الوشوش
هتحتاجي اسبراي بيدي فوليوم ترشيه علي شعر رطب
وفرشاة مدورة وسيشوار تعملي بيهم مقدمة شعرك
وبعدين اقلبي الجزء دة لورا وثبتيه ببنس وفي النهاية رشي اسبراي مثبت

سهلة وبسيطة اوي ممكن تعمليها علي البيتش او في الجيم
اعملي pony tail وظبطي الخصل بصوابعك بطريقة messy ورشي اسبراي

الضفيرة تسريحة جميلة اوي ومافيش حد فينا ما عملهاش

بس الموضة دلوقتي الضفيرة ال messy

الطريقة : اعملي ضفيرة علي الجنب ونامي بيها واصحي

اه والله مش باهزر معاكوا :D

هيبقي شكلها عسول اوي بس لو لقيتيها اتنعكشت اوي

ضفريها تاني بس ما تسرحيش شعرك 

تسريحة سهلة ورقيقة اوي

مش محتاجا اقولك هتعمليها ازاي طبعا

:)

اتمني يكون عجبكوا ........................