الجمعة، 15 يوليو 2011

أطعمة لقلبك .....

البوست دة هنتكلم فيه عن اكلات واصناف كتيرة مفيدة جدا للقلب والدورة الدموية
بتقلل الضغط وبتقلل الكوليسترول وبتحمي من الجلطات وتقلل أخطار الإصابة بالأزمات القلبية
زي اول حاجة الاصناف المحتوية علي Omega-3 Fat

زي الاسماك عموما وسمك السالمون خصوصا وزي المكسرات بانواعها
لما تاكل الوجبات دي مرتين في الاسبوع دة بيقلل الضغط وبيزود المناعة
وبالتالي بييقلل الازمات القلبية وامراض القلب


تاني حاجة الاطعمة والكلات الي فيها فايبر


زي الخضروات والفواكه والحبوب الكاملة الي هي whole grains
ودي مهمة جدا لاحتوائها علي فيتامين ب و حديد
والالياف مهمة جدا لجهاز هضمي صحي وبتنظم حركته
ولتقليل الكوليسترول ينصح بتناول 30 جام الياف يوميا
مع شرب ماء كافي لسهولة وسرعة هضمها


تالت حاجة
الشوفان




الشوفان دة مفيد جداااااااا
طبق صغير من الشوفان الصبح بيمدك باوميجا 3 فاتي اسيدز و الياف و بوتاسيوم
بيقلل الكوليستيرول وبيظبط الشرايين وينظفها


التوابل هي رابع حاجة


مش بس التوابل طعمها حلو وبتفتح النفس للأكل
لأ دي كمان ليها فوايد كتير
من التوابل دي القرفة و الزنجبيل و الكاكاو و ......
فيها مضادات للالتهاب و بتقلل نسبة السكر
عشان تستفيد منها اشرب فنجان قرفة او ممكن تقليب الشاي والقرفة باعواد القرفة مثلا
بيديها نكهة جميلة وبرضه بتبقي مفيدة جدا


خامس حاجة البقول




زي الفول والعدس والحمص واللوبيا
فيهم نسبة عالية من الالياف و اوميجا 3 فاتي اسيدز والكالسيوم
وبالتالي مفيدة جدا وبتقلل امراض للقلب والجهاز الهضمي نتيجة لاحتوائها علي الحاجات دي






سادس حاجة بروتين الصويا
او البروتين النباتي الي موجود في فول الصويا وفي كتير من البقول
الناس النباتيين بياخدوه كبديل للبروتين الحيواني فيه تقريبا معظم احتياجات الانسان من الامينو اسيدز
بيساعد بروتين الصويا علي تقليل الدهون الي في صورة triglycerides
الي هي السبب الرئيسي في السمنة والشكل الرئيسي للدهون في جسمك


سابع طعام هو البلو بيري




البلوبيري او التوت والحاجات التانية الملونة زي العنب الاحمر
طبعا هي لذيذة جدا وبتحتوي كمان علي كمية كبيرة من مضادات الاكسدة
الي هي بتقلل السرطانات وامراض القلب وبتحمي من حاجات كتيييييير جداااااا


تامن حاجة الكرنب الاحمر




بصوا ... اي حاجة ملونة مفيدة
الكرنب الاحمر غني بمضادات الاكسدة الي اتكلمنا عليها قبل كدة
وبيقلل الكوليستيرول وبالتحديد ال LDL وغني بالفيتامينات


تاسع حاجة هي بذور الكتان




هي ممكن تكون غريبة شوية بس هي مفيدة اوي
بتطحن وبتضاف للاكل لان فيها alpha linolenic acids
ودة اوميجا 3 فاتي اسيد بس نباتي
بيقلل LDL كوليستيرول و وبيمنع التصاق الصفائح الدموية
وبالتالي بيقلل مخاطر الجلطات وامراض القلب


الحاجة الي قبل الاخيرة هي زيت السمك او زيت كبد الحوت
طبعا هي غنية باوميجا 3 فاتي اسيدز او omega 3 fatty acids وبتقلل الالتهابات وبتساعد في انقاص الوزن و بتقلل ال TG


اخر حاجة مطلوبة طبعا هي الابتعاد عن الدهون او التقليل منها  واختيار اللحوم الي فيها دهن قليل
وكمان التقليل من الملح لأن دي حاجة صحية جدا وبتقلل ضغط الدم
ولما نيجي نطبخ نحاول نستعمل الزيوت النباتية بدل السمنة والزبدة
ونحاول نقلل الاكل المقلي ونخليه اكتر مشوي او مسلوق
ولما نيجي نشتري الحاجات في السوبر ماركت نتعود نقرا المعلومات الغذائية لكل منتج ونختار الاقل في الCALORIES


اتمني يكون البوست عجبكوا وهتستفيدوا منه ان شاء الله ...........................


هناك تعليقان (2):