الثلاثاء، 23 أغسطس 2011

أفكار مميزة لتورتة فرحك

فرحك قرب ؟؟
اكيد طبعا عمالة تفكري في كل حاجة
باقي اللبس , الفستان , الميكب , البوكيه , المكان
ماتنسيش كمان تفكري في التورتة  !!
اتفرجي معايا علي احلي تورتات ممكن تعمليها في فرحك
هتناسب كل الاذواق وكل انواع الافراح
سواء فرحك كان في قاعة او اوبن ممكن في جاردن او علي البيتش
في منها الكلاسيك و في المودرن , فيه التقليدي بس شيك و فيه الغريب و التقاليع

يعني لو بتحبي الشيكولاتة وعايزة تعملي تورتة شيكولاتة
ليه لأ ؟؟
دي بعض الافكار الجميلة الي ممكن تفيدك

دي فكرتها جميلة اوي  
زي ما انتي شايفة تورتة شيكولاتة عادية
عليها زي اغصان شجر متسلقة لونها ابيض
عاملة زي الشلال و كونتراست الالوان حلوو

دي برضه شكلها جميلة اوي ومزينة بالازهار



 دي فكرتها جديدة اوي
هي تورتة شيكولاتة عادية متغطية بكوكيز الشيكولاتة من برة
والكوكيز نفسه متغطي بكريمة بيضا بيبقي عليها الزينة الملونة الي بتترش علي التورتة
دي رقيقة اوي ورومانسية اووي
مناسبة اكتر لو كان الفرح صغير ومش عازمة ناس كتير

تاني فكرة انك تعملي تورتة ملونة
الالوان الرقيقة هي اشهر حاجة
زي الموف الهادي والروز
زي كدة







ممكن كمان البستاج او الليموني الهادي رقيق اوي

وطبعا ما ننساش اللون التقليدي الي هو الابيض
ممكن يبقي لوحده زي التصاميم الرائعة دي





او ممكن ندخل معاه بعض الالوان التانية
زي كدة

دة تصميم بسيط اوي بس في نفس الوقت شيك
ممكن تكتبوا اساميكوا عليها 


 ودة تصميم مودرن شوية

 دة تصميم كلاسيك ومبهج اوي



دة التصميم المفضل بالنسبالي بصراحة :)

ومن التقاليع الي نازلة ان يبقي مافيش تورتة !!
يبقي كدة بدالها


آخر فكرة هي التورتة حسب موسم الفرح !!
يعني لو فرحك في الصيف ممكن تبقي التورتة كدة


لو فرحك في الخريف

ولو فرحك هيبقي في الشتا


لو فرحك بقي من الربيع ممكن تستوحي شكل التورتة من الربيع وازهاره زي كدة



اتمني يكون البوست عجبكوا ............................
واتمني يفيد البنات في فرحهم ان شاء الله .............

هناك تعليق واحد: