الجينز المناسب لجسمك

ما حدش فينا يقدر يستغني عن البنطلونات الجينز

بنلبسها بصراحة في كل حتة وعلي اي حاجة

منها الوان وقصات كتير ...............
بس خدي بالك مش كل قصة مناسبة لجسمك
تعالوا نشوف مع بعض انهاردة انسب القصات لاشكال الجسم المختلفة

هنبدأ اول حاجة بال skinny jeans
دة مناسب للاجسام المتناسقة بس
وتميل طبعا للرفع ............
يعني لو عندك منطقة الفخد او رجليكي من فوق ممتلئة

يفضل طبعا تبعدي عنه لانه هيبرز العيب دة

تاني ستايل الي هو ال straight - leg jeans

الي رجله بتبقي straight من اول الركبة لحد اخره

ودة مناسب اوي للي عندهم رجليهم من فوق مليانة شوية

او عندهم جناب لانه بيداري العيب دة

تالت قصة هنشوفها الي هي ال flared jeans
ودي بتبقي رجليها واسعة اوي و بيكون البنطلون طويل
يعني ممكن يغطي الشوز بتاعتك او يوصل لمقدمتها كدة
بيناسب اوي البنات الطويلة الرفيعة كمان لانه بيداري الرفع شوية

آخر حاجة هاتكلم عليها ال bootcut jeans

دة بيبقي ضيق شوية من علي الركب وبعدين بينزل علي اوسع حاجة بسيطة لحد تحت

دة بيناسب كل اشكال الجسم المليانة و الرفيعة

المليانة بيخفي ال curves الي عندها في منطقة الفخد

والرفيعة بيدي ايحاء انها املي شوية

اتمني يكون البوست عجبكوا ...........................