Tria Laser Hair Removal System

بنات كتير اوي بتسأل عن ازالة الشعر الغير مرغوب فيه بالليزر

وبيتعمل ازاي وايه آثاره وهل في خطورة ولا لأ

وايه الاماكن الي بتعمله سواء عيادات او منتجعات

وتكلفته كام وعدد الجلسات وووووو.........

أسئلة كتيرة اوي

انا بقي سألت ودورت وعرفت وجايبالكوا كل الحاجات الي تحبو تعرفوها

انا هتكلم عن الليزر المنزلي وأحسن جهاز صادفته لحد دلوقتي

جهاز اسمه Tria

بدل عيادات الدكاترة والفلوس الكتيييييييرة الي هتدفعيها في كل جلسة

هو جهاز صغير كدة في حجم سماعة التليفون

ودي كل المعلومات الي جمعتها وعرفت اوفرها عنه

الجهازدة بيخلصك من الطرق التقليدية لازالة الشعر مثل الحلاقة والشمع ويمنع نمو الشعر للداخل ويوفر لكي منع نمو الشعر الدائم مع الاستعمال بانتظام

وطبعا بدون الم

بتشوفي نتائج في خلال 3 شهور

وبعد 6 الي 8 شهور خلاص !!!

مش هتلاقي في نمو تاني للشعر

وطبعا واخد موافقة ال FDA " food and drug administration "

دي صورة الجهاز

نيجي بقي لخطوات الاستعمال :

الخطوة الولي :

اغسلي المنطقة المطلوب معالجتها كويس واحلقيها بواسطة ماكينة الحلاقة ونشفيها كويس بالفوطة

الخطوة التانية :

اختاري نظام التشغيل الي يريحك 

الخطوة التالتة : 

امسكي الجهاز وحطي طرفه علي الجلد واسمعي صوت البيب او الصفارة 

كرري علي الحتة الي جنبها لحد ما تخلصي المنطقة المراد معالجتها 

ودي الصور 

طيب الجهاز دة بياخد وقت اد ايه ؟؟

لو هتعملي مثلا منطقة البكيني او تحت الابط

من 5 الي 10 دقائق

ولو رجليكي من 20 الي 30 دقيقة لكل رجل

بستعملي الجهاز مرتين في الشهر في اول 3 شهور

وبعدين استعمليه مرة واحدة بس في الشهر لمدة من 3 الي 5 شهور

لحد ماهتلاقي الشعر مش بيطلع تاني خاااالص

علبة الجهاز بيجيلك فيها الجهاز وشاحن البطارية وسينسور للجلد والتعليمات للاستخدام

الجهاز دة ينفع لمييييين ؟؟

للبشرة الي لونها فاتح الي متوسط وتكون الشعراية غامقة

و ينفعش للبشرة الغامقة

والسينسور الي معاه بيحددلك ينفع لبشرتك ولا لأ قبل الاستخدام