ماهو عشان هما بيحطوها غلط ...........
تعالي معايا شوفي افضل النصايح عشان تحطي برفيوم :
اول حاجة المفروض
تشوفي نوع بشرتك ايه
لو بشرتك دهنية يبقي البرفيوم هيثبت عليكي اكتر من البشرة الجافة
البشرة الجافة هتلاقيها بتضطر تحط برفيوم كل شوية
عشان تتغلبي علي المشكلة دي
الحل في كلمة واحدة "الترطيب"
امال لازمة البودي لوشن الي بيجي نع البرفيوم ايه بقي ؟؟
ودايما اتعودي تحطي بودي لوشن نفس نوع البرفيوم الي بتستعمليه عشان الريحة تثبت اكتر
تاني حاجة بلاحظ ان 90 % من الناس الي بيحطوا برفيوم او حتي بيجربوه بيعملوا الحركة دي
بيحطوه علي ايديهم ويفركوها ببعض !!!!!!!
بتعملي كدة صح ؟؟
دة غلط عشان بيكسر جزيئات البرفيوم وبيغير ريحته
تالت حاجة ماتحطيش برفيوم علي لبسك
ممكن تلاقيه بقعها
ولو عايزة تحطي علي لبسك مش ترشي علي منطة معينة
رشي في الجو كدة علي مسافة 20 سم بعيد عنك
وامشي في المنطقة دي رايحة جاية
هيعمل حواليكي حاجة كدة زي هالة من البرفيوم
تحطي البرفيوم فين تاني علي جسمك ؟؟
يفضل تحطي علي اماكن النبض
زي ايديكي من عند المعصم وورا ركبتك وورا ودانك وبين الصدر
ليه ؟؟
عشان النبض في الاماكن دي بيخليها دافية ودة بيساعد علي بقاء البرفيوم
وفي حاجة كمان ممكن تثبت البرفيوم اكتر
قبل ما ترشيه علي المناطق دي ممكن تحطي الاول فازلين لوشن او shea butter الي هيا زبدة الشيا
خدي بالك برضه من الجو
يعني في الشتا هتحتاجي تحطي برفيوم اكتر شوية
حتي تلاقي البرفانات التقيلة شوية يقولك عليها دي ريحتها شتوي
والبرفيومز الخفيفة او الفريش يقولوا صيفي
وحاجة كمان قلتها قبل كدة
لما تيجي تشيلي البرفيوم شيليه في الدولاب او في الدرج
او في اي حتة بس يكون بعيد عن ضوء الشمس والرطوبة العالية
وحاجة كمان مهمة اوي
احسن وقت تحطي فيه برفيوم هو بعد الشاور مباشرة
لأن المسام بتكون مفتوحة
في انتظار تعليقاتكم .....................................
الف شكر معلوماتك قيمه بجد
ردحذفالعفو علي ايه بس
ردحذفشكرا لمشاركتك معانا